Jab Tu Paida Huwa Kitna Majboor Tha

Jab Tu Paida Huwa Kitna Majboor Tha

Yeh Jahan Teri Soch Se Bhi Dur Tha...

Haath Paaon Bhi Tab Tere Apney Na They

Teri Ankhon Mein Duniya Ke Sapney Na They...

Tujh Ko Aata Sirf Rona Hi Tha

Doodh Pi Ke Kaam Tera Sona Hi Tha...

Tujh Ko Chalna Sikhaya Tha Maa Ne Teri

Tujh Ko Dil Main Basaya Tha Maa Ne Teri...

Maa Ke Saaye Mein Parwaan Chadne Laga

Waqt Ke Sath Qad Tera Badhne Laga...

Dhirey Dhirey Tu Kadiyal Jawan Ho Gaya

Tujh Pe Saara Jahan Meharban Ho Gaya...

Zor-e- Bazoo Pe Tu Baat Karne Laga

Khud Hi Sajney Laga Khud Sanwarney Laga...

Ek Din Ek Ladki Tujhe Bhaa Gayi

Ban Ke Dulhan Woh Tere Ghar Agayi...

Ab Farayez Se Tu Dur Honay Laga

Beej Nafrat Ka Khud Hi Tu Boney Laga...

Phir Tu Maa Baap Ko Bhi Bhulaney Laga

Teer Baton Ke Phir Tu Chalaney Laga...

Baat Be Baat Unn Se Tu Ladney Laga

sabakh ek Naya Tu Phir Padhnay Laga...

Yaad Kar Tujh Se Maa Ne Kaha ek Din

Ab Humara Guzara Nahin Tere Bin...

Sunn Ke Yeh Baat Tu Tayesh Mein Agaya

Tera Gussa Teri Aqal Ko Kha Gaya...

Josh Mein Aake Tu Ne Ye Maa Se Kaha

Mein Tha Khamosh Sab Dekhta Hi Raha...

Aaj Kehta Hoon Peecha Mera Chhod Do

Jo Hai Rishta Mera Tum Se Woh Tod Do...

Jao Ja Ke Kahin Kaam Dhanda Karo

Log Marte Hain Tum Bhi Kahin Ja Maro...

Bait Kar Aahen Bharti Thi Maa Raat Bhar

Inki Aahon Ka Tujh Par Huwa Na Asar...

Ek Din Baap tera Chala Rooth Kar

Kaise Bikhri Thi Phir Teri Maa Toot Kar...

Phir Woh Bhi Bas kal Ko Bhulati Rahi

Zindagi Isko Har Roz Satati Rahi...

Ek Din Maut Ko Bhi Taras Agaya

Iska Rona Bhi Taqdeer Ko Bha Gaya...

Ashk Ankhon Mein They Woh Rawana Huwi

Maut Ki Ek Hichki Bahana Huwi...

Ek Sukoon Us ke Chehre Pe Chhaney Laga

Phir Tu Maiyyat Ko Uski Sajaney Laga...

Muddatain Ho Gayi Aaj Boodha Hai Tu

Tooti Khatiya Pe PaDa Bora Hai Tu...

Tere Bacche Bhi Abb Tujh Se Dartey Nahi

Nafraten Hain, Muhabbat Woh Kartey Nahi...

Dard Mein Tu Pukare Ke "O MERI MAA"

TERE DAM SE HI ROSHAN THE DONO JAHAN...

Waqt Chalta Rehta Hai Waqt Rukta Nahi

Toot Jata Hai Woh Jo Ke Jhukta Nahi...

Bann Ke Ibrat Ka Tu Ab Nishaan Reh Gaya

Dhoondh ab Zor Tera Kahan Reh Gaya...

Tu EHKAAM-E-RAB Bhulata Raha

APNE MAA-BAAP KO TU SATATA RAHA...

Kaat Le Tu Wohi, Tu Ne Boya Tha Jo

Tujh Ko Kaise Miley Tu Ne Khoya Tha Jo...

Yaad Kar Ke Gaya Daur, Tu Rone Laga

Kal Jo Tu Ne Kiya Aaj Phir Hone Laga...

Maut Maange Tujhe Maut Aati Nahin

Maa Ki Surat Nigahon Se Jati Nahi...

Tu Jo Khaanse To Aulad Daantey Tujhe

Tu Hai Nasoor Sukh Kaun Baantey Tujhe...

Maut Ayegi Tujh Ko Magar Waqt Par

Ban Hi Jaye Gi Qabar Teri Waqt Par...

QADAR MAA BAAP KI GAR KOI JAAN LE

APNI JANNAT KO DUNIYA MAIN PEHCHAN LE...

Aur Leta Rahe Woh BaDaun Ki Dua

Usi Ke Dono Jahan, Uska Haami KHUDA...

Yaad Rakhna har aulaad Is Baat Ko

Bhool Jana Na REHMAT KI BARSAT Ko..........

https://www.facebook.com/pages/Love-poetry-Tum-kaisi-mohabbat-karty-ho/245594762293900